الخصوصية وشروط الاستخدام

إيه اللي بنحفظه

اسمك، وبريدك، ورقم موبايلك لو كتبته، ومهنتك، وباقتك، ومحادثاتك مع المساعد. المحادثات بتظهر لك أنت بس في حسابك، حتى لو إنت عضو في فريق مكتب.

مين بيشوف رسايلك

علشان المساعد يرد، رسالتك بتتبعت لمزوّد الذكاء الاصطناعي (حاليًا DeepSeek)، وسيرفراته ممكن تكون بره مصر. علشان كده:

• ماتكتبش أسماء عملاء أو مرضى أو طلبة.
• ماتكتبش أرقام قومية أو أرقام حسابات أو بيانات طبية تعرّف بشخص.
• استخدم أماكن فاضية زي [اسم الموكل] وكمّلها بنفسك بعد ما تنسخ الرد.

ولما ترفع صورة أو ملف PDF علشان نقرا النص اللي فيه، الملف بيتبعت لخدمة قراءة النصوص (OCR.space) وبيرجعلنا النص بس، وإحنا مش بنحتفظ بالصورة. ماترفعش صور فيها بطاقات أو بيانات شخصية.

إحنا ملتزمين بقانون حماية البيانات الشخصية المصري رقم 151 لسنة 2020.

دقة الردود

الردود من إنتاج الذكاء الاصطناعي، وممكن يكون فيها أخطاء أو معلومات قديمة. Blue AI مش بديل عن رأي محامي أو طبيب أو مهندس أو محاسب، وأنت المسؤول عن مراجعة أي نص قبل ما تستخدمه.

• المحامين: اتأكد من أرقام المواد والأحكام من مصادرها الرسمية.
• الأطباء: المساعد مش بيشخّص ولا بيوصف علاج لمريض معين.
• المهندسين والمحاسبين: راجع أي حسابات أو نسب قبل ما تعتمد عليها.

الاشتراك والدفع

الاشتراك شهري أو سنوي، ومش بيتجدد لوحده. الرسايل بتتجدد كل شهر من يوم التفعيل، واللي ماتستخدمش مش بيترحّل. لو عندك مشكلة في الدفع أو التفعيل كلمنا على واتساب.

مسح المحادثات والحساب

تقدر تمسح أي محادثة من حسابك في أي وقت، ومحتواها بيتمسح نهائيًا. ولو عايز تمسح حسابك كله ابعتلنا على info@bllue-ai.com.